Easy Tomato Pappu Recipe in Telugu | టమాటో పప్పు తయారీ

 🍅 టమాటో పప్పు

పరిచయం 

టమాటో పప్పు తెలుగు ఇళ్లలో తరచుగా చేసే రుచికరమైన మరియు ఆరోగ్యకరమైన వంటకం. పుల్లటి టమాటాల రుచి, కందిపప్పు మృదుత్వం, తాలింపు సువాసన కలిసి ఈ వంటకాన్ని మరింత రుచికరంగా మారుస్తాయి. వేడి అన్నంలో నెయ్యి వేసుకుని టమాటో పప్పు తింటే ఆ రుచి మరింత ప్రత్యేకంగా ఉంటుంది. ఈ రోజు చాలా సులభమైన ఆంధ్ర స్టైల్ టమాటో పప్పు రెసిపీని స్టెప్ బై స్టెప్‌గా తెలుసుకుందాం.

⏰🔪 Prep Time: 30 min	⏲️ Cooking Time: 40 mins
👨‍🍳 Servings: 6-8	🔥 Calories: 112 kcal

కావాల్సిన పదార్ధాలు 

• కందిపప్పు – 1 కప్పు
• టమాటాలు – 3 (తరిగినవి)
• పచ్చిమిర్చి – 3
• పసుపు – ¼ టీస్పూన్
• కారం -1/2 టీస్పూన్
• ఉప్పు – తగినంత
• చింతపండు (ఐచ్చికం) – చిన్న ముక్క
• నీరు – అవసరమైనంత

తాలింపు కోసం

• నూనె లేదా నెయ్యి – 2 టీస్పూన్లు
• ఆవాలు – ½ టీస్పూన్
• జీలకర్ర – ½ టీస్పూన్
• ఎండుమిర్చి – 2
• వెల్లుల్లి రెబ్బలు – 5
• కరివేపాకు – కొద్దిగా
• ఇంగువ – చిటికెడు

తయారు చేయు విధానం 

1. ముందుగా కందిపప్పును శుభ్రంగా కడిగి కుక్కర్‌లో వేయండి.

2. అందులో తరిగిన టమాటాలు, పచ్చిమిర్చి, పసుపు, కొద్దిగా నీరు వేసి 3–4 విజిల్స్ వచ్చే వరకు ఉడికించండి.

💡 ఉపయోగకరమైన చిట్కా: కుక్కర్‌లో పప్పు ఉడికించేటప్పుడు  చిన్న స్టీల్ బౌల్ లేదా ప్లేట్ ఉంచితే పప్పు పొంగకుండా ఉంటుంది. ఈ చిట్కాను నేను మామిడికాయ పప్పు రెసిపీలో కూడా వివరంగా చెప్పాను. పూర్తి రెసిపీ కోసం మామిడికాయ పప్పు రెసిపీని కూడా చూడండి.

3. కుక్కర్ చల్లారిన తర్వాత పప్పును గరిటెతో లేదా మాషర్‌తో మెత్తగా చేసుకోండి.

4. అవసరమైనంత ఉప్పు, కారం, పసుపు, వేసి బాగా కలపండి. కావాలంటే కొద్దిగా చింతపండు రసం లేదా చింతపండు పేస్ట్ కూడా కలుపుకోవొచ్చు. కొంచెం వేయించి పొడి చేసుకున్న ఆవాలు మెంతులు పొడి ని వేసుకుంటే పప్పు రుచి అద్భుతం గా ఉంటుంది 

5. ఒక పాన్‌లో నూనె లేదా నెయ్యి వేడి చేసి ఆవాలు, జీలకర్ర, ఎండుమిర్చి, వెల్లుల్లి,( ఐచ్చికం) కరివేపాకు, ఇంగువ వేసి తాలింపు సిద్ధం చేయండి.

6. ఈ తాలింపును పప్పులో వేసి బాగా కలపండి.

7. రెండు నిమిషాలు మరిగించి స్టవ్ ఆఫ్ చేయండి.

8. కొత్తిమీరతో అలంకరించి వేడి అన్నం, నెయ్యితో వడ్డించండి.

చిట్కాలు 

1. బాగా పండిన టమాటాలు ఉపయోగిస్తే రుచి బాగా వస్తుంది.
2. కొద్దిగా నెయ్యి వేస్తే పప్పు మరింత రుచిగా ఉంటుంది.
3. వెల్లుల్లి తాలింపు వేస్తే మంచి ఫ్లేవర్ వస్తుంది.
4. చింతపండు అవసరమైతే మాత్రమే వేయండి.

FAQ

Q1. టమాటో పప్పుకు ఏ పప్పు బాగుంటుంది?

A. కందిపప్పు ఉత్తమంగా సరిపోతుంది.

Q2. చింతపండు వేయాలా?

A. టమాటాలు బాగా పుల్లగా ఉంటే అవసరం లేదు.

Q3. ఫ్రిజ్‌లో ఎంతకాలం నిల్వ ఉంటుంది?

A. 1–2 రోజుల వరకు నిల్వ ఉంచవచ్చు.

Q4. పిల్లలకు ఇవ్వవచ్చా?

A. అవును. కారం తక్కువగా చేసి ఇవ్వవచ్చు.

ముగింపు 

ఈ సులభమైన ఆంధ్ర స్టైల్ టమాటో పప్పు రెసిపీని ఒకసారి ఇంట్లో తప్పకుండా ప్రయత్నించండి. వేడి అన్నం, నెయ్యి, పప్పు కలయిక ప్రతి భోజనాన్ని మరింత రుచికరంగా మారుస్తుంది. ఈ రెసిపీ మీకు నచ్చితే మీ కుటుంబ సభ్యులు, స్నేహితులతో పంచుకోండి. ఇలాంటి మరిన్ని తెలుగు వెజ్ రెసిపీల కోసం మా బ్లాగ్‌ను ఫాలో అవుతూ ఉండండి.